Don’t Worry in A·chik(Garo)
Philippirangna 4:6-7
Gitel sepangon. Mamungnaba sintenabe; indiba mitelan baksa bi·achi aro mol·molachi Isolna pilakni gimino na·simangni man·na nanganirangko uiatbo. Unon pilak uiana batgipa Isolni tom·toma Kristo Jisuo na·simangni ka·tongrang aro chanchianirangko rakigen.
Mati 6:25
Uni gimin anga nasimangna agana, Maiko cha·gen ringgen ine nasimangni janggina, aro maiko gangen chingen ine nasimangni be·enna sintenabe. Cha·anina bate janggi, aro gana chinanina bate be·en batjama?.
Mati 6:34
Uni gimin knasalna sintenabe: mai·na knasal antangna sintegen. Salsana antangni namgija chuonga.
Mati 6:27
Aro nasimangoni sawa sintee an·tangni janggi tangani bilsiko miksaba batatna ama?
Johan 14:27
Tomtom donganiko anga na·simangna donanga, angni tomtom donganiko anga na·simangna on·a; a·gilsakni on·a gita anga on·ja. Na·simangni ka·tong jajrengjachina, aro kenjachina.
Johan 14:1
Nasimangni katongko jajrengatjachina. Isolo beberabo, angoba beberabo.
Luk 12:22
Aro ua an·tangni sninggiparangko aganaha, Uni gimin anga nasimangna agana, Maiko cha·gen ine janggina, aro maiko gangen chingen ine beentangna sintenabe.
Ibrirangna 13:6
Uni gimin an·ching kenmangija agana, Gitel angna chakgipa, anga kenjawa; Mande angko mai dakgen?
·
Mati 6:28
Aro gana chinanina maina sintea? Abao donggipa bibalrang maikai cha·a nie chanchibo. Uarang gam·ja, aro kildingba rikja;
Isaia 26:3
Na·a chusokgipa tomtomao [uko] rakigen, (jeni) gisik [nango] pangchaka; maina ua nango kadongaha.
Johan 16:33
Maikai nasimang angon tomtom donganiko mangen, uni gimin anga iarangko nasimangna aganaha. Agilsako nasimang duk manbea, indiba kadongbo, angan agilsakko amaha.
Luk 12:25
Aro nasimangoni sawa sinteenba antangni tangani bilsiko miksaba batatna ama??
Gitrang 23:4
Oe, anga siani salakimni akongko reoba, Anga mamung namgijana kenjawa; maina na·a ang baksa donga; Nangni monggot aro nangni goldik, uarang angko kadimeata.
Joshua 1:9
Anga nangko geetjahama? Bilrake kengija ongbo; kengoknabe aro kenchaknabe; maina nangni reani jeba ong·chong, nangni Isol Jihova nang baksa donga.
Isaia 41:13
Maina ang·a, Jihova nangni Isol, nangni jakrako rim·e nangna agangen, Da·ken; anga nangko dakchakgen.
Isaia 41:10-12
da·ken, maina anga nang baksa gnang; kengoknabe, maina anga nangni Isol onga; anga nangko bilakatgen; oe, anga nangko dakchakgen; oe, angni kakket dakani jakrachi anga nangko rim·chakgen. Nibo, nangko pilak kaonanggiparang kratchaatako aro jajaatako man·gen; nang baksa gisegrikgiparang mamung gri gita onggen, aro gimagen. Na·a uamangko chongmotan nang baksa jegrikgiparangko am·gen, indiba uamangko nikjawa; nangko dakgrikgiparang mamung gri gita, aro bangbanggipa gita onggen..
Gitrang 34:4
Anga Jihovako am·aha, aro ua angna knachakaha, Aro angni pilak kenanirangoniko angko jokataha.
Mati 6:31-33
Uni gimin, Maiko cha·gen, ba Maiko ringgen, ba Maiko gangen chingen ine sintenabe; maina ia pilakkon gipin jatrang am·a. Maina ia pilakkon nasimangna nanga ine nasimangni salgini Paa uia. Indiba uni songnok aro toromko am·chengbo, unon ia pilakkon nasimangna on·dapgen.
Gitrang 56:3
Jensalo anga kena, unsalo Anga nango kadonggen.
I Pitor 5:6-8
Uni gimin Isolni bilaka jakni ning·o an·tangtangko onatbo, maikai sal ong·on ua na·simangko chuatna man·gen. Na·simangni pilak sinteako uni kosako donbo, maina ua na·simangni gimin simsaka. Gisik rakbo, mikrakbo; na·simangni bobil Diabol, randinggipa singho gita, sakoba minokna am·e re·roroa;.
Romrangna 8:31
Indide iarangni gimin an·ching maiko agangen? Isol an·chingchi chakode, an·chingna bobil dak·gipa sawa??
Isaia 40:31
Indiba Jihovana senggiparangni bilko gital ongatgen; uamang dogamdotrang gita grangrangchi doanggen; uamang daarie nengjawa; uamang re·e nombokjawa.
Philippirangna 4:7
Unon pilak uiana batgipa Isolni tom·toma Kristo Jisuo na·simangni ka·tongrang aro chanchianirangko rakigen..
II Thessalonikarangna 3:16
Aro tom·tomani Gitel an·tangan pangnan pilak cholchi na·simangna tom·tomaniko on·china. Gitel na·simang pilak baksa dongchina.
Hello Everyone, Na·simang Namnikaode share kabo....