Greatness - Dalbatgipa
Mati 18:1-5
1 Ua kontaon sninggiparang Jisuona
rebae aganaha, Indide salgini songnoko sawa dalbata?
2 Unon ua bisa chongipa saksako an·tangona
okame uko uamangni jatchio chadengate aganaha,
3 Beben anga nasimangna agana,
Nasimang pil·e bisa chongiparang gita ongjaode, nasimang mamung dakeba salgini
songnoko napjawa.
4 Uni gimin je mande ia bisa chongipa
gita an·tangko onatgen uan salgini songnoko dalbata.
5 Aro je mande angni bimungo indakgipa
bisa chongipa saksako ra·chakgen, uan angko ra·chaka.
Mati 20:25-28
25 Indiba Jisu an·tangona
uamangko okame aganaha, Gipin jatrangni pamongrang uamangni kosako gitel daka,
aro dalgiparang uamangni kosako bilko mesoka, iako nasimang uia.
26 Nasimangni
gisepo indake ongjawa, indiba nasimangni gisepo dalbatna sikgipa, ua nasimangna
dangdike on·gipa onggen;
27 aro nasimangni
gisepo skanggipa ongna sikgipa, ua nasimangni nokol onggen;
28 maikai Mandeni
Depante dangdike on·ako mannade rebaja, indiba dangdike on·na; aro bang·ani pal
an·tang janggiko piokani ine on·na rebaaha.
Mati 23:10-12
10 Aro nasimang Dilgipa ine inako mannabe, maina nasimangni
Dilgipa saksan, Kristo.
11 Indiba nasimangoni
dalbatgipa, uade nasimangna dangdike on·gipa onggen.
12 Aro an·tangko
chuatgipakon onatgen; aro an·tangko onatgipakon chuatgen.
Mati 5:19
Uni gimin je mande
ia geetanirangni giseponi chonbatgipa mingsako pegen, aro manderangna uandake
skigen, uko salgini songnoko chonbatgipa ingen; indiba je mande uarangko
manigen aro skigen, uko salgini songnoko dalgipa ingen.
I Serikani 29:11
O Jihova, dalani, aro bil, aro rasong, aro cheani, aro rajani
mikkim nangnin; maina salgio aro aao donggipa pilakan nangnin; O Jihova,
songnok nangnin, aro na·a pilakni kosako skotong onge chuatako mana.
[Rongtalgipa Sastro] A·chik Ku·rangchi Short Sermon