Why Forgive Others?
Maina Gipinrangko kema kana nanga ba Watna Nanga?
Gipinrangko kema Watbo?
Saoba nangko gisik satode na·a kema watbo
an·chingni bobilrangkoba
Hoe?
Maina an·chingara iako dakna nanga?
Rongtalgipa Sastroo maiko aganska ?
Ge·chidok Sastroni podrango Geata- Maina Gipinrangko kema Watna nanga ?
Ephesusrangna 4:32
Na·simang batesa rinok rinok dakgrikbo, ka·saningbo, aro Kristoo Isol maikai na·simangko wataha, na·simangba uandake watgrikbo.
Mati 6:14-15
Maina na·simang manderangni namgijarangko watode, na·simangni salgini Paa na·simangkoba watgen. Indiba na·simang manderangni namgijarangko watjaode, na·simangni Paaba na·simangni namgijarangko watjawa.
Luk 6:37
“Aro na·simang bichal ka·nabe, unon na·simangko bichal ka·jawa; aro matnangnabe, unon na·simangko matnangjawa; watbo, unon na·simangko watgen ;
Kolosirangna 3:13
saksani kosako saksa matnanganiko man·ode, chakchikgrikbo aro watgrikbo; jedake Gitel na·simangko wataha, uandake na·simangba dakbo;
Maina Gipinrangko kema kana nanga ba Watna Nanga?
Mark 11:25
Aro nasimangni chadenge bian salo sakoba matnangani nango gnangode, uako watbo; maikai salgio donggipa nasimangni Paaba nasimangni namgijarangko watna mangen.
Luk 23:34
Unon Jisu inaha, O Apa, iamangko kema ka·bo; maina maiko dakenga uko uamang uija. Aro uni bararangko sualna uamang chiti kal·aha.
1 Johan 4:11
Ka·saarang, Isol an·chingna indita ka·saahaode, indide an·chingba ka·sagrikna nanga.
1 Thessalonikarangna 5:15
Mikrakbo, pilakba pilaknaba namgijani pal nam·gijako on·skajana; indiba saksa sakgipinna aro pilakna pangnan namako ja·rikbo.
Maina Gipinrangko kema kana nanga ba Watna Nanga?
Mati 18:21-35
21 Unon Pitor uona rebae aganaha, O Gitel, angni jongada angni kosako papko dakode, anga uko basikchang watgen? Changsnina kingkingma?
22 Jisu una aganaha, Changsnina kingking ine anga nangna aganja, indiba sni changsotsnina kingking.
23 Uni gimin salgini songnok antang nokolrangoniko chane ra·na sikgipa raja mande gita onga.
24 Ra·na abachengoa mona hajalchikung gro nanggipa saksako uona rimbaaha.
25 Indiba gro chotna uni mamungba dongjana, ukomung uni jik derangko aro uni pilak gnangko pale chotna, uni gitel geetaha.
26 Uni gimin ua nokol tuchikope uko olakie aganaha, O Gitel, angko chakchikkubo, anga nangna pilakkon chotgen.
27 Unon ua nokolni nokgipa kasachake uko watate, uni groko wataha.
28 Indiba ua nokol reongkatange an·tangna suki kapritchasa gro nanggipa antang nokolskako nikaha ; aro uko rim·e, gitoko rim·eke; ua uko aganaha, Nangni gro nangako chotbo.
29 Uni gimin uni nokolska tuchikope uko molmole aganaha, Angko chakchikkubo, anga nangna chotgen.
30 Indiba ua sikjachim ; indiba reange gro nangako chotjana kingking uko patoko donaha.
31 Uni gimin uni nokolskarang ia dakarangko nike jajrengbeaha, aro giteltangonareange pilak ongako uiataha.
32 Unon uni gitel uko okame una aganaha, O na·a mangnamgijagipa nokol, na·a angko molmole aganana, anga nangna ua pilak groko wattokachim.
33 Indide anga maikai nangna kasachakaha, uandake na·aba antang nokolskana kasachakna nangjachimma?
34 Unon uni gitel kaonangenba uni pilak on·na nangako chotjana kingking, saknaatgiparangna uko on·aha.
35 Nasimang sakanti katongonin antang jongadako watjaode, salgio donggipa angni Paa nasimangna uandaken dakgen.
Mati 6:12-15
Aro chingna gro nanggiparangko chinga wataha gitan chingni grorangko watbo. Aro chingko dakmajoaona rimnapnabe, indiba namgijagipaoniko chingko jokatbo. Maina nasimang manderangni namgijarangko watode, nasimangni salgini Paa nasimangkoba watgen. Indiba nasimang manderangni namgijarangko watjaode, nasimangni Paaba nasimangni namgijarangko watjawa.
Maina Gipinrangko kema kana nanga ba Watna Nanga?
Ephesusrangna 4:31-32
Pilak ku·sia, aro ka·agapa, aro ka·onanga, aro manenggrika, aro kal·staparang, pilak miknengan baksa, na·simangoni chel·atako man·china. Na·simang batesa rinok rinok dakgrikbo, ka·saningbo, aro Kristoo Isol maikai na·simangko wataha, na·simangba uandake watgrikbo.
Mark 12:3
Aro uamang uko rim·e doke jakari watataha.
Romrangna 12:18-20
Ong·na amode, na·simangchipaknide, pilak manderang baksa nangrimbo. An·tangtangna jakbikpilnabe, ka·saarang, indiba (Isolni) ka·onangana biap on·bo; maina sea gnang, Jakbikpila angnin, anga on·pilgen ine Gitel agana. Indiba nang·ni bobil okkriode, una cha·na on·bo; Ua ringna skode, una ringna on·bo, Maina indake dakon Na·a uni skoni kosako wal·kiko dangen.
Watatarang 7:59-60
Aro, Gitel Jisu angni janggiko ra·bo ine, uni bi·mitingo uamang Stephenko ro·ong gotatjok. Aro ua ja·sku dipane gam·bee chrike inaha, O Gitel, ia papko uamang·na donnabe. Aro iako inoa ua tusiaha. Aro Saul uko so·otako namnikpaengachim.
Luk 23:33-34
Aro uamang sko bibrok minggipa biapona sokoa, uano uamang uko, aro ua namgija dakbegiparangko, saksako jakrachi aro saksako jakasichi chisolo datkapaha. Unon Jisu inaha, O Apa, iamangko kema ka·bo; maina maiko dakenga uko uamang uija. Aro uni bararangko sualna uamang chiti kal·aha.
Mati 5:7
Kasachakgiparang ansenga; maina uamang kasachakako mangen.
iako poraie namnikode gipin rangnaba share kapachina molmolata, Isol nangko patichina, mitela