Kennabe ?
Da·aken ?
Bilakbo aro Kadongaibo
Rongtalgipa Sastroo niatna Kenani gimin talataniko
Isaia 41:10
Da·ken, maina anga nang baksa gnang; kengoknabe, maina anga nangni Isolonga; anga nangko bilakatgen; oe, anga nangko dakchakgen; oe, angni kakket dakani jakrachi anga nangko rim·chakgen.
Joshua 1:9
Anga nangko geetjahama? Bilrake kengija ongbo; kengoknabe aro kenchaknabe; maina nangni reani jeba ong·chong, nangni Isol Jihova nang baksa donga.
Deuteronomy 31:6
Bilrake kengija ongbo, kennabe, ba uamangna kengoknabe; maina nang baksa reangpagipa nangni Isol Jihovaan, ua nangko jakwatjawa aro nangko watgaljawa.
Romrangna 8:38-39
Maina sia, ba janggi tanga, ba sa·grerang, ba raja ong·giparang, ba ong·enggiparang, ba ong·gnigiparang, ba bilrang, ba chua, ba tu·a, ba mamung gipin dakgimin an·chingni Gitel Jisu Kristoo donggipa Isolni ka·saaoniko anchingko ekatna amja ine anga bebera·a.
Gitrang 27:1
Jihova angni seng·a aro angko jokatani onga ; Anga sana kengen? Jihova angni janggini bil onga; Anga sana kene donggen?
Gitrang 118:6
Jihova angchi chaka ; anga kenjawa : Mande angna maiko dakna ama ?
Ibrirangna 13:6
Uni gimin an·ching kenmangija agana, Gitel angna chakgipa, anga kenjawa; Mande angko mai dakgen?
Isaia 41:13
Maina anga, Jihova nangni Isol, nangni jakrako rim·e nangna agangen, Da·ken; anga nangko dakchakgen.
Kalimani 3:57
Angni nangko okamani salo na·an sepangaha; Kennabe ine na·a aganaha.
Deuteronomy 7:21
Na·a uamangni gimin kengoknabe; maina nangni Isol Jihova nangni gisepo donga, uan dalgipa aro kenbegnigipa Isol.
Gitrang 56:3
Jensalo anga kena, unsalo Anga nango kadonggen.
Gitrang 34:4
Anga Jehovako am·aha, aro ua angna knachakaha, Aro angni pilak kenanirangko angko jokataha.
Toe Skianirang 29:25
Mandena kenaniara jagako saa; Indiba Jehovao kadonggipa rakianiko mangen.
Philippirangna 4:6
Gitel sepangon. Mamungnaba sintenabe; indiba mitelan baksa bi·achi aro mol·molachi Isolna pilakni gimin na·simangni man·na nanganirangko uiatbo.
2 Timothy 1:7
Maina Isol an·chingna ka·pongni gisikko on·jaha, indiba bilni, aro ka·saani, aro gisik namaniko.
I Johan 4:18
Ka·saao kena gri; batesa chu·soke ka·sara kenako a·rika; maina kenao sasti gnang, aro kengipa ka·saao chu·sokja.
Gitrang 23:1-6
1 Jihova angko nirikgipa onga; angna nangani dongjawa.
2 Tangsekgipa cha·amramrango ua angko tuata; Tomtomgipa chirangni sambao ua angko moanga.
3 Ua angni janggiko ansaoata: Antangni bimungni gimin kakket dakani ramarango ua angko redila.
4 Oe, anga siani salakimni akongko reoba, Anga mamung namgijana kenjawa; maina na·a ang baksa donga; Nangni monggot aro nangni goldik, uarang angko kadimeata.
5 Na·a angna cha·chakaniko angni bobilrangni mikkango tarie dona; Angni skoo na·a to nongaha; Angni rangkare suakpila.
6 Beben namani aro kasae dakani angni janggi tangani sal dipet angko jarikgen; Aro anga jringjrotna kingking Jihovani noko dongkamgen.
Johan 14:27
Tomtom donganiko anga nasimangna donanga, angni tomtom donganiko anga nasimangna on·a; agilsakni on·a gita anga on·ja. Na·simangni katong jajrengjachina, aro kenjachina.
Mati 10:28
Aro je manderang beenko soota, indiba janggiko sootna amja, uamangna da·ken; indiba beenkomung janggiko noroko nisina amgipana kenbo.
Luk 12:22-24
Aro ua antangni sninggiparangko aganaha, Uni gimin anga nasimangna agana, Maiko cha·gen ine janggina, aro maiko gangen chingen ine beentangna sintenabe. Maina cha·anina bate janggi, aro gana chinanina bate been bata. Dokarangko nie chanchibo; uarang satja aro raja; uarangni nok gri, jamba gri; indiba Isol uarangna alenga. Dodrangna bate nasimang badita gamchatbata! Aro nasimangoni sawa sinteenba antangni tangani bilsiko miksaba batatna ama ?
Isaia 35:4
Bilakbo, kennabe; nibo, na·simangni Isol, jakbikpilani [baksa] Isolni on·skaani [baksa], rebagen; uan rebagen aro na·simangko jokatgen ine kengipa katong gnanggiparangna aganbo.
Isaia 12:2
Nibo, Isolan angko jokatani onga; anga kadonggen, aro kenjawa; maina Jah Jihova angni bil aro angni ring·ani onga; aro uan angko jokatani ongaha.
I Pitor 3:14
Indiba na·simang toromni gimin duk man·oba, na·simang kusi ong·gipa Indiba uamang·ni kenatana kennabe, aro jajrengnabe;
Deuteronomy 3:22
Nasimang uamangna kennabe; maina nasimangna dakgrikchakgipa nasimangni Isol Jihovan.
Philippirangna 4:13
Angko bilakatgipao anga pilakkon dakna ama.
Luk 12:32
O jak bang·gija, kennabe; maina nasimangni Paa nasimangna songnokko on·na namnikaha.
Gitrang 91:1-16 ·
1 Chubatgipani donnugimin biapo dongkamgipa Bilaksranggipani salakimo donggen.
2 Jihovani gimin anga agane ingen, Uan angni katnapram aro angni killa onga; Angni Isol, jeo anga kadonga.
3 Maina doo rim·gipani jagaoniko, Aro siatgipa sabisioniko nangko ua jokatgen.
4 Uni grangrangchi ua nangko pindapgen Aro uni gangchingrangni ningo na·a katnapgen: Uni bebe danil aro sepi onga.
5 Walo kenbegnina, Aro salo bilgipa branaba;
6 Andalao rerorogipa sabisina, Aro saljatchio bonatgipa gimaatanina na·a kenjawa.
7 Nangni sambao sakhajalsa, Aro nangni jakrao sakhajalchikung gaakgen; Indiba ua nangni sepangona rebajawa.
8 Nangni mikronrangchi na·a niasa niaigen, Aro namgija dakgiparangni manskaaniko nikgen.
9 Maina na·a, O Jihova, angni katnapram onga! Chubatgipako na·a nangni dongchakani dakaha;
10 Mamung namgija nango gaakjawa, Aro mamung sabisi nangni tambuni sepangona rebajawa.
11 Maina nangni pilak ramarango nangko rakichina, Ua nangni gimin antangni sagrerangko geetgen.
12 Uamangni jakrango uamang nangko detomgen, Na·a roongo nangni jaako nangtingjana gita.
13 Na·a singho aro bisi rakgipa chipuko ga·dapgen: Singho bidom aro chipuko na·a ga·belbelgen.
14 Angna ua kasaaha, uni gimin anga uko jokatgen: Anga uko chuatgen, maina ua angni bimungko uiaha. 15 Ua ango bigen, aro anga knachakgen; Duk ongo anga un baksa donggen: Anga uko jokatgen, aro uko rasong chaatgen.
16 Janggi tangbangachi anga uko chuongnikatgen, Aro angni jokataniko una uiatgen
Jeremia 29:11
Maina Jihova agana, Anga nasimangna antangni chanchianirangko uia, Chongmotan namgija onggija tomtomani chanchianirangko nasimangna onggniko aro kadonganiko on·na.
Gitrang 34:18
Jihova be·tonggimin katong gnanggiparangni sepango donga, Aro gisik bnekgimin onggiparangko jokata.
Reongkata 14:14
Jihova nasimangna dakgrikchakgen, aro nasimang jrip dongbo.
Toe Skianirang 16:7
Saniba reanirangko Jihova namnikode, Ua uni bobilrangkoba un baksa tomtomata.
Johan 16:33
Maikai nasimang angon tomtom donganiko mangen, uni gimin anga iarangko nasimangna aganaha. Agilsako nasimang duk manbea, indiba kadongbo, angan agilsakko amaha.
Deuteronomy 31:8
Aro nangni mikkango reanggipa, uan Jihova; ua nang baksa onggen, ua nangko jakwatjawa aro nangko watgaljawa; kennabe aro kagalnabe.
Parape·a 21:4
Aro ua uamang·ni mikrononi pilak mikchiko u·sitgen; aro siani ong·jawaha aro kalimani, aro chrikani, aro saknaani ong·jawaha. Skango ong·giparang re·angaha.
Mati 6:27
Aro nasimangoni sawa sintee antangni janggi tangani bilsiko miksaba batatna ama?
Kennako Katatbo aro Kristo baksa janggi tangna Joton Ka·bo, Isol Nasimangko Patichina, Mitela