How Big is God?
Isol Baditan dala?
Gitrang 145:3 [Psalm]
Jihova dala, aro bang·en mitelako
manna nitoa; Aro uni dalaniko sandie nina amjapila.
I Timothyna 1:17 [Timothy]
Jringjrotni Rajana,
nikgija, gimagija, nikgija, saksangipa Isolna mandera·a aro rasong jringjrotna
kingking ong·china. Amen.
Jeremia 23:23-24 [Jeremiah]
Angara chel·aogipa onggija
sepangogipa Isol ongaiama? ine Jihova agana. Anga nikjana gita saoba dongnuani
biaprango an·tangko donnuna manama ? ine Jihova agana. Angan salgi aro aako
gapjama ? ine Jihova agana.
Gitrang 139:7-12 [Psalm]
Nangni Gisikoni anga bachi reanggen?
Ba nangni mikkangoni anga bachi katgen?
Anga salgichi gakatoba, uano na·a donga: Aningo angni
tuchakaniko anga anoba, nibo, uano na·a donga. Anga pringni grangrangko ra·e,
Sagalni chel·batgipa bakrango dongoba; Unoba nangni jak angko dilgen, Aro
nangni jakra angko rim·chakgen. Andalara angko pindapchongmotgen ine, Aro angni
pilakchin donggipa seng·a wal onggen ine anga aganoba; Andalaba nangoni
donnuja. Indiba sal gita walba seng·a; Andala aro Seng·ara (Nangnade) apsangrik
onga.
Jeremia 10:10 [Jeremiah]
Indiba Jihovade Isolchongmotgipa
onga; uan tanggipa Isol, aro pangnangipa raja onga; Uni kaonangana aa moa, aro
jatrang uni kaonangako chakchikkuna manja.
Romrangna 11:33 [Romans]
Aiao, Isolni uiani aro gisikni gam
gnangani ning·tua ! Uni bichalrang mairongpile chanchisokgijani, aro uni
ramarang sandina amgijani ong·a !
Jeremia 32:17 [Jeremiah]
Aiao ! Gitel Jihova ! nibo, na·a
antangni dalgipa bilchi, aro antangni snilgipa jaktongchi salgirang aro
agilsakko dakaha; Nangni amgijani mamungba gri;
Aro saksa sakgipinko okame inaha, Rongtala,
rongtala, rongtala, Kotokrangni Jehovaan; uni rasongchi agilsak gimik gapaha.
Gitrang 90:2 [Psalm]
Abrirangko bana skang, Ba na·a aa aro
agilsakko ongatna skangon, Chongmotan jringjrotoni jringjrotona kingking na·an
Isol onga.
Isaia 64:8 [Isaiah]
Indiba dao, O Jihova, na·a chingni
pagipa onga; Chinga aste aro na·a chingni inda onga; aro chinga pilakan nangni
jakni dakgimin.
Gitrang 139:14 [Psalm]
Anga Nangko mitelgen; maina angko
dildil onggni aro aiao inmanani dakaha; Nangni kamrang aiao inmanani onga; Aro
uko angni gisik namedake uia.
Gitrang 115:3 [Psalm]
Indiba Anchingni Isol salgirango
donga; Antangni pilak namnikako ua dakaha.
Deuteronomy 10:17
Maina nasimangni Isol Jehova
Isolrangni Isol, aro gitelrangni Gitel onga; uan dalgipa Isol, bilakgipa aro kengnigipa;
ua manderangko mikkang nigipa ongja; aro ua kumituko ra·gipa ongja.