Da•alni Bako An•ching Isolni Bilko Ni'atna, Rongtalgipa Sastroo Indake Se•aha
Colossians (Kolosirangna) 1:16
Maina salgio aro a•ani kosako donggiparang, nikarang aro nikgijarang, singhasonrang ong•bo, gitel ong•anirang ong•bo, raja ong•anirang ong•bo, bilrang ong•bo, pilakkon uano dakaha; uachin aro uana pilakkon dakaha;
1 Chronicles (Serikani) 29:11
O Jihova, dalani, aro bil, rasong, aro cheani, aro rajani mikkim nangnin; maina salgio aro aao donggipa pilakan nangnin; O Jihova, songnok nangnin, aro na•a pilakni kosako skotong onge chuatako mana.
Exodus (Reongkata) 14:14
Jihova nasimangna dakgrikchakgen , aro na•simang jrip dongbo.
Psalms (Gitrang) 28:7
Jihova angni bil aro angni danil onga; Angni katong uon kadongaha, aro anga dakchakako manaha: Uni gimin angni katong kasrokbea; Aro angni ring•anichi anga uko mitelgen.
Proverbs (Toe skianirang) 3:5-6
5 Nangni katong gimikchi Jihovao kadongbo, aro an•tangni masianio pangchaknabe,
6 Nangni pilak reanio uko kurachakbo, aro ua nangni ramarangko srongatgen.
Isaiah (Isaia) 45:7
Anga seng•ako daka, aro andalako ongata; anga tomtomaniko daka, aro namgijako ongata; angan Jihova onga, ia pilakkon dakgipa.
Psalms (Gitrang) 46:10
Jrip dongbo, aro anga Isol onga ine uibo: Jatrangni gisepo anga chuatako mangen, a•gilsako anga chuatako mangen.
Genesis (Abachenga) 1:1-31
1) Chengon, Isol salgi aro aako ongataha. Aa porongrong aro bangbang ongengpitichim;
2) aro andalani chi tu ani kosako dangachim: aro Isolni janggi chiko ganggopengachim.
3) Aro Isol inaha, seng•ani dongchina; unon seng•ani dongaha.
4) Unon Isol ua seng•aniko name nikaha. Unon Isol andalanioniko seng•aniko dingtang dakaha,
5) Aro Isol seng•aniko sal, aro andalaniko wal mingaha. Aro atam aro pring ongahaoa sal sa ongaha,
6) unikoa Isol inaha, chini jatchio bangbang ongchina, aro ua chirangko bak gni dake dingtangchi dakatchina .
7) unon Isol bangbang dake, bangbangni kosako donggipa chioniko bangbangni ningo donggipa chiko dingtang dakaha; unon uandaken ongaha.
8)unikoa Isol ua bangbangko salgi mingaha . Aro atam aro pring ongahaoa sal gni ongaha.
9) unikoa Isol inaha, Salgini ningo donggipa chirang biapsano tomchina, aro agako niksengchina ; unon uandaken ongaha.
10) unon Isol agako aa mingaha; aro chirangni tomaniko sagal mingaha; aro Isol uko name nikaha.
7) unon Isol bangbang dake, bangbangni kosako donggipa chioniko bangbangni ningo donggipa chiko dingtang dakaha; unon uandaken ongaha.
8) unikoa Isol ua bangbangko salgi mingaha. Aro atam aro pring ongahaoa sal gni ongaha.
9) unikoa Isol inaha, salgini ningo donggipa chirang biapsano tomchina, aro agako niksengchina; unon uandaken ongaha.
10) unon Isol agako aa mingaha; aro chirangni tomaniko sagal mingaha; aro Isol uko name nikaha .
11) unikoa Isol inaha, Aa bimikko, bitchri gnanggipa samko, aro aani kosako jattang gita bitchri gnanggipa bite nanggipa bolko chaatchina; unon uandaken ongaha;
12) chongmotan aa bimikko, chongmotan jattang gita bitchri gnanggipa sam, aro jattang gita bitchri gnanggipa bite nanggipa bolko chaataha ; unon Isol uko name nikaha.
13) Aro atam aro pring ongahaoa sal gitam ongaha.
14) unikoa Isol inaha, waloniko salko dingtangatchina, salgini bangbango tengsugiparang ongchina ; uarang chin aro karirangna, aro sal aro bilsirangna ongchina;
15) aro aao seng.atna ine salgini bangbango ua tengsugiparang ongchina; unon uandaken ongaha.
16) aro Isol dalgipa ronggni tengsugiparangko dakaha; dalkalgipa tengsugipara salni pamong, aro chonkalgipa tengsugipara walni pamong ongchina ine dakaha ; askirangkoba ua dakaha .
17) aro aao seng.atna, aro sal aro walni pamong ongchina
18) Aro senganiko aro andalaniko dingtang dakchina Isol uarangko salgini bangbango dongaha.
19) aro atam aro pring ongahaoa sal bri ongaha.
20) unikoa Isol inaha, chi janggi gnanggipa illenggipako bangen ongatchina; aro do•drang aani kosako salgini bangbango bile rochina .
21) unon Isol chini joong daldalbegiparang aro pilak illenggipa janggi gnanggiparang, jerangko chi bangen ongkatataha, uarangko jattang gita, aro pilak grnag gnanggipa do•drangko jattang gita ongtaha; aro Isol uarangko name nikaha .
22) aro Isol uarangna patie inaha, jelbra jelsuae sagalni chirango gapatbo ; aro do•drang aao jelbrachina.
23) aro atam aro pring ongahaoa sal bonga ongaha.
24) unikoa Isol inaha, aa jattang gita janggi gnanggipa , jillani , aro malgipa , aro jattang gita aani matburungko ongkatatchina; unon uandaken ongaha.
25) Iandake Isol matburung jattang gita, aro jattangtang gita jillani, aro jattangtang gita aao malgipa pilakkon dakaha; aro Isol uarangko name nikaha.
26) Aro Isol inaha, anching anchingni jagring gita aro an•ching gita mandeko dakgen. Aro uamang sagalni natokrang, aro sakoni do•drang, aro jillanirang, aro agimikni , aro pilak aao malgiparangni pamong onggen.
27) Aro Isol an•tangni jagring gita mandeko ongataha; Isolni jagring gitan uko ongataha, measa aro me•chik dake uamangko ongataha.
28) Aro Isol uamangna patiaha; aro Isol uamangko inaha, jelbra jelsuabo , aro aao gapatbo , aro uko bamatbo; aro sagalni natokrang, aro sakoni do•drang, aro aao rogipa , pilak janggi gnanggipani kosako pamong ongbo.
29) Aro Isol inaha, Nibo, anga aa gimiko donggipa, pilak bitchri gnanggipa sam, aro mamanti bitchri gnanggipa bite nanggipa bolko nasimangna onaha; ua nasimangna cha.ani onggen.
30) aro aaoni pilak matburung, aro pilak sakni doo, aro pilak aao malgipa janggi gnanggiparang cha•china, pilak tangsekgipa samko onaha, Unon uandaken ongaha.
31) Aro Isol an.tangni dakgiminko nitokaha , aro nibo, nambejok, Aro atam aro pring ongahaoa sal dok ongaha.
Psalms (Gitrang) 147:4-5
4 Askirangoni gimikko ua chana; Uarangni bimungrangchi pilakkon ua minga.
5 An•chingni Gitel dalbea, aro bilo bilaka; Uni nie masiani bonchanga gri.