Ka·sagipa Ong·gaibo
Ephesusrangna 4:32 - Na•simang batesa rinok rinok dakgrikbo,
ka•saningbo, aro Kristoo Isol maikai na•simangko wataha, na•simangba uandake
watgrikbo.
Luk 6:35 - Indiba nasimang antangtangni bobilrangna
kasabo, aro namako dakbo, aro kenmangija srona on•bo ; unon nasimangni mangni
bang•gen, aro nasimang chubatgipani dedrang onggen; maina ua
kasapilgijagiparangna aro namgijagiparangnaba rinoke daka.
Colosirangna 3:12,14 - Uni gimin Isolni see ra•gimin, rongtala aro
ka•sagiminrang gita, ka•sachakani ka•tongko , rinok rinok dakako, gisik onako,
sontolko chakchikako ganbo,
aro ia pilakni kosako
ka•saako donbo, ua chu•sokani kaani ong•a.
I Korinthirangna 13:4-7
- ka•sara chakchika,
rinok rinok Daka; ka•sara miknengja, gaorade•ja, gangbingja, nitogija
dakja, an•tangnirangko am•ja, ka•onangja, namgijako chanja; torom ong•gijanio
katchaja, indiba bebeo katchaa; pilakkon chaka, pilakkon bebera•a, pilakkon
ka•donga, pilakkon chakchika.
Galatiarangna 6:10 - Uni gimin, sal man•mitingon, an•ching pilaknan,
dingtangmancha bebera•ani ma•drangna, namako dakna hai.
I Pitor 4:8 - Pilakna skang na•simango ka•sagrikbea ong•bo;
maina ka•sara bang•a paprangko pindapa.
Galatiarangna 5:22-23 - indiba Gisikni bite iarang, ka•sara, katchaa,
tom•toma, chakchika, rinok rinok daka, nama, bebera•a, sontol daka,
an•tangtangko bamata; indongarangko beng•na niam dongja.
Mika 6:8 - O mande, ua nangna namako mesokaha; aro kakket
Daka, kasachakaniko namnika aro nangni Isol baksa onao reruraana agre Jihova
nangoniko maiko am•a?